Ang Aking Munting Pangarap!

Simula pa noong ako'y bata

simpleng buhay ang siyang aking hangad

Di ako mahilig sa luho,

at di rin nais magpagarbo!

Ngayong ako ay edad trenta,

Naghahanap buhay na at may pamilya

Buhay na aking nais sana

Ay di pa rin natatamasa

Simpleng bahay ang aking gusto,
Malamig, at sa paligid ay puro puno

May kaunting gulayan

At makulay na hardin

Ngunit nasaan ako ngayon

Nandito sa ibang bansa

Walang ginawa kundi kumayod

Bilang ang oras ng tulog

Gayundin ang panahon sa pamilya

Kaya sa tuwing ako ay nakakakita

Ng larawan ng isang bahay kubo

Di ko mapigilan ang mahalina

Sana naman ako ay makauwi sa Pinas

At itayo at tuparin

Ang aking mumunting Pangarap.